📡 Radar Prospectif

A nuzione di crimine d’unore ùn si pò spiccà da quella di u banditu corsu.
Si tratta di un umicidiu perpetratu da vindicà un’uffesa fatta à un individuu o a so famiglia.
Trà 1846 è 1850 ùn sò menu di 147 umicidii à l’annu…
Per aiutà i gendarmi à catturà i banditi, u statu mette in ballu a curruzzione.
Gruppi di vultisgiatori, spezia d’auziliari di ghjustizia, sò criati.
Ci intaressaremu quì à 5 banditi detti d’unore, è micca à quelli banditi « d’urrore. »
Principiendu da a sola femina chè nò pudemu include : Maria Fiordispina Padovani.
Inganata da un giovanu stitutore, è vulendu francà a vindetta à i so fratelli…
Tirò sola, à mezu à una piazza publica, nantu à l’allucinatore chì a tradì.
Certi banditi da l’iniziu di u XIXesimu seculu sò litterati, ghjè u casu di Tiadoru Poli.
Ricusendu di fà a so circuscrizzione, fù rinchjusu in a citatella d’Aiacciu, da a quale scappò.
Tumbò u brigadieru chì l’arrestò è guidarà più tardi l’assaltu di a gendarmeria di Casaglione.
Rè di i banditi, mette in piazza a custituzione d’Aitone è a so ripublica autupruclamata.
Ghjacumu è Antone Bonelli, detti I fratelli Bella Coscia duvianu u so cugnome à babbisu chì era dunnaghju.
Antone sequestrò mentre 9 ghjorni u babbu di a so innamurata percò li ricusava a manu di a figliola…
Ghjacumu fece scuppà u piombu nantu à u mere di Bucugnà chì l’avia arrubatu terreni.
Piglionu a machja inseme è ci camponu 40 anni.
Prumessu à una carriera ecclesiastica, u giovanu Michele Ghjiseppu Antomarchi s’innamurò…
A mamma di a so amica ricusenduli a manu di a figliola, pruvonu un scappaticciu indernu.
« Galluchju » tumbarà u maritu di a bella u ghjornu di u spusaliziu nanzu di scappà in Grecia.

Strattu musicale : "Lamentu di Ghjuvan' Camellu" di Sarocchi.